Oliy va o'rta maxsus ta'lim tizimiga oid
ko‘p beriladigan savollarga javoblar tizimi

Savollarga javoblar

Javob:

Harbiy qism qo‘mondonligining tavsiyanomasiga ega bo‘lgan abiturientlar ham 5 tagacha bakalavriat ta'lim yo‘nalishini tanlashi mumkin. Faqatgina ushbu tavsiyanoma bo‘yicha imtiyoz birinchi tanlangan ta'lim yo‘nalishiga nisbatan tatbiq etiladi. Agar talaba test sinovi natijalariga ko‘ra imtiyozi bo‘yicha birinchi ta'lim yo‘nalishiga talabalikka tavsiya etilmaganda, to‘plagan bali bilan tanlangan barcha ta'lim yo‘nalishlariga umumiy tanlovda ishtirok etadi.

Javob:

2021/2022 o‘quv yiliga xotin-qizlar uchun jami 2000 ta alohida davlat granti asosidagi qabul ko‘rsatkichlari hududlar kesimida ajratildi. Ushbu qabul ko‘rsatkichlariga tegishli tavsiyanomaga ega bo‘lgan xotin-qizlar orasidan eng yuqori ball to‘plaganlari qabul qilinadi. Tavsiyanomaga ega bo‘lgan ammo ajratilgan alohida davlat grantiga tavsiya etilmagan xotin-qizlar test sinovlari natijalariga ko‘ra to‘plagan ballari bilan tanlagan beshtagacha bakalavriat ta'lim yo‘nalishlariga umumiy tanlovda ishtirok etishi mumkin.

Javob:

O‘zbekiston Respublikasidagi oliy ta'lim muassasalariga xorijiy fuqarolarni o‘qishga qabul qilish oliy ta'lim muassasasi tomonidan o‘tkaziladigan suhbat natijalariga ko‘ra amalga oshiriladi. Bunda, xorijiy fuqarolar o‘zlarini qiziqtirgan oliy ta'lim muassasasining sayti orqali abituriyent sifatida ro‘yxatdan o‘tadi.

Javob:

Harbiy qism qo‘mondonligining tavsiyanomasiga ega bo‘lgan abiturientlar ham 5 tagacha bakalavriat ta'lim yo‘nalishini tanlashi mumkin. Faqatgina ushbu tavsiyanoma bo‘yicha imtiyoz birinchi tanlangan ta'lim yo‘nalishiga nisbatan tatbiq etiladi. Agar talaba test sinovi natijalariga ko‘ra imtiyozi bo‘yicha birinchi ta'lim yo‘nalishiga talabalikka tavsiya etilmaganda, to‘plagan bali bilan tanlangan barcha ta'lim yo‘nalishlariga umumiy tanlovda ishtirok etadi.

Javob:

Oliy ta'lim muassasalarida o‘z hisobidan to‘lov-kontrakt bo‘yicha ta'lim olgan bitiruvchilar o‘z ixtiyori bilan taqsimot komissiyasida ishtirok etishi va uning roziligi asosida komissiya qarori bilan taklif etilayotgan ish joylariga ishga yuborilishi mumkin. Bunda, bitiruvchilarning taqsimoti oliy ta'lim muassasasi rektori tomonidan tasdiqlangan oliy ta'lim muassasasining taqsimot komissiyasi tomonidan o‘tkaziladi.

Javob:

2021/2022 o‘quv yiliga harbiy qism qo‘mondonligining tavsiyanomasiga ega bo‘lganlar uchun oliy ta'lim muassasalari hamda ta'lim shakllari (kunduzgi, sirtqi, kechki) kesimida alohida qabul ko‘rsatkichlari tasdiqlandi. Yuqoridagilardan kelib chiqib, harbiy qism tavsiyanomasiga ega bo‘lgan abiturient sirtqi ta'lim shakli uchun ajratilgan qabul ko‘rsatkichiga da'vogar bo‘lishi mumkin.

Javob:

Fuqaroligi yo‘q shaxslarni bakalavriatga kirish uchun ro‘yxatdan o‘tkazish oliy ta'lim muassasalari qabul komissiyalari tomonidan amalga oshiriladi. Shunga ko‘ra, Sizdan o‘zingizni qiziqtirgan oliy ta'lim muassasasi qabul komissiyasiga murojaat qilishingiz so‘raladi

Javob:

Texnikum va kollejlarida sirtqi ta'lim shaklida o‘qish imkoniyati mavjud. Sirtqi ta'lim shakli bo‘yicha kadrlar tayyorlash yo‘lga qo‘yiladigan ta'lim muassasalari ro‘yxati (kasb va mutaxassisliklar bo‘yicha) 2021/2022 o‘quv yili uchun abiturientlarning hujjatlarini qabul qilish jarayoni boshlaguniga qadar e'lon qilinadi.

Javob:

Respublika OTMning sirtqi va kechki ta'lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga tavsiya etish huquqiga ega bo‘lgan vazirlik, idora va yirik xo‘jalik birlashmalarining ro‘yxati har yili Davlat komissiyasi tomonidan tasdiqlanadi. 2021/2022 o‘quv yili uchun tavsiyanoma berish huquqiga ega bo‘lgan vazirlik va idoralar ro‘yxati tasdiqlangandan so‘ng, Siz faoliyat ko‘rsatayotgan bankning respublika bosh ofisi tomonidan berilgan tavsiyanomaga asosan suhbat asosida imtihonlarsiz, tabaqalashtirilgan kontrakt bo‘yicha o‘qishga kirishingiz mumkin. Ma'lumot uchun: 2020/2021 o‘quv yili uchun tavsiyanoma berish huquqiga ega bo‘lgan vazirlik va idoralar ro‘yxatida O‘zbekiston Respublikasi Markaziy banki, tijorat banklari nazarda tutilgan edi.

Javob:

O‘zbekiston Respublikasi Prezidentining 2019-yil 17 iyundagi “2019/2020 o‘quv yilida O‘zbekiston Respublikasining oliy ta'lim muassasalariga o‘qishga qabul qilishning davlat buyurtmasi parametrlari to‘g‘risida”gi PQ-4359-son (https://lex.uz/docs/-4380357) qarorining 6-bandiga muvofiq, oliy ta'lim muassasalariga 2019/2020 o‘quv yilidan boshlab vazirlik, idora va yirik xo‘jalik birlashmalarining (ish beruvchilar) ehtiyojlaridan kelib chiqib, kunduzgi bakalavriat ta'lim yo‘nalishlariga mos bo‘lgan yo‘nalishlar doirasida tabaqalashtirilgan to‘lov-kontrakt asosida sirtqi va kechki ta'lim shaklida o‘qitishni tashkil etish huquqi berilgan. O‘zbekiston Respublikasi ta'lim muassasalariga o‘qishga qabul qilish bo‘yicha Davlat komissiyasining tegishli bayoniga muvofiq respublika oliy ta'lim muassasalariga iqtisodiyot tarmoqlarida kamida 5 yil stajiga ega bo‘lgan va tegishli tavsiyanoma asosida suhbat bilan qabul qilinganlar uchun to‘lov-kontrakt miqdorlari 2019/2020 o‘quv yilidan boshlab mos ravishda har yili amalda belgilanadigan bakalavriat ta'lim yo‘nalishlari va shakli bo‘yicha bazaviy to‘lov-kontrakt qiymati miqdorlariga nisbatan 2 baravari miqdorida belgilangan.

Javob:

Akademik liseylarda aniq, tabiiy, ijtimoiy-gumanitar fanlar va xorijiy tillar yo‘nalishlarida chuqurlashtirilgan ta'lim beriladi. 

Javob:

Akademik litseylarga kirish imtihonlari joriy yilning 26-28 avgust kunlari Davlat test markazi tomonidan maxsus pavilonlarda o‘tkaziladi.

Javob:

Xorijiy fuqarolarni O’zbekiston oliy ta’lim muassasalariga qabul qilish Vazirlar Mahkamasining “Xorijiy fuqarolarni O’zbekiston Respublikasi ta’lim muassasalariga qabul qilish va o’qitish tartibini takomillashtirish to’g’risida”gi 2008 yil 4 avgustdagi 169-sonli (https://lex.uz/docs/-1380636) qaroriga muvofiq amalga oshiriladi. Xorijiy fuqarolarning hujjatlari O’zbekiston Respublikasi fuqarolari uchun belgilangan muddatlarda ya’ni bakalavriatga kirish uchun 20 iyundan 20 iyulga qadar, magistraturaga kirish uchun 1 iyuldan 30 iyulga qadar qabul qilinadi. O’rnatilgan tartibga binoan xorijiy fuqarolar hujjatlarini tegishli oliy ta’lim muassasasining Qabul komissiyasiga to’g’ridan-to’g’ri topshirishlari kerak. Xorijiy fuqarolar bakalavriatga Vazirlar Mahkamasi huzuridagi Davlat test markazi tomonidan har yili 1 avgust kuni o’tkaziladigan test sinovlari natijalari asosida qabul qilinadilar. Magistraturaga esa oliy ta’lim muassasalari tomonidan mustaqil ravishda tahminan 1-10 avgust oralig’ida tashkil etiladigan kirish imtihonlari natijasi asosida qabul qilinadilar. Xorijiy fuqarolarni talabalar safiga qabul qilish Vazirlar Mahkamasi huzuridagi O’zbekiston Respublikasi Ta’lim muassasalariga qabul qilish bo’yicha Davlat komissiyasining qarori asosida test sinovlari (bakalavriat uchun) yoki kirish imtihonlari (magistratura uchun) natijalariga ko’ra amalga oshiriladi.

Javob:

Xorijiy fuqarolarning hujjatlari OTM qabul komissiyasi tomonidan quyidagi ro’yxatga asosan qabul qilinadi.

1) F.I.Sh., fuqaroligi va ta’lim yo’nalishi ko’rsatilgan rektor nomiga ariza;
2) Milliy pasport kopiyasi;
3) Xorijiy fuqaro uchun O’zbekiston Respublikasida yashash guvohnomasining kopiyasi (Вид на жительство) – agar mavjud bo’lsa;
4) Bakalavriat uchun - xorijiy fuqaroning o’rta yoki o’rta maxsus, kasb-hunar ma’lumotini tasdiqlovchi shahodatnoma/diplom/ sertifikatning o’zbek yoki rus tiliga tarjima qilingan va notarius tomonidan tasdiqlangan kopiyasi;
Magistratura uchun - Oliy ma’lumot to’g’risidagi hujjatning (ilovasi bilan) o’zbek yoki rus tiliga tarjima qilingan va notarius tomonidan tasdiqlangan kopiyasi;
5) Tibbiy ma’lumotnoma (086 shakli);
6) Fotosurat (3,5x4,5) – 6 dona.

Javob:

Xorijiy fuqarolar o’qishga faqat to’lov-shartnoma asosida qabul qilinib, ular to’lovlarini xorijiy fuqarolar uchun belgilangan miqdorida amalga oshiradilar. Xorijiy fuqarolar o’qish uchun to’lovlarini chet el valyutasi ekvivalentida, Markaziy bank tomonidan to’lov kunida belgilangan kurs asosida milliy valyutada amalga oshiradilar. Shu bilan birga xorijiy fuqarolar to’lov amalga oshirilganligi to’g’risidagi bank to’lov topshiriqnomasi yoki kvitantsiyasi bilan birga O’zbekiston Respublikasi banklarida chet el valyutasini milliy valyutaga ayirboshlanganligi to’g’risida sertifikatni ham topshiradilar.

O’zbekiston Respublikasida yashash guvohnomasiga ega bo’lgan xorijiy fuqarolar bundan mustasno. Ular to’lovlarni chet el valyutasi ekvivalentida, Markaziy bank tomonidan to’lov kunida belgilangan kurs asosida, milliy valyutada amalga oshiriladilar. Ulardan chet el valyutasini milliy valyutaga ayirboshlanganligi to’g’risidagi sertifikat talab etilmaydi.

Javob:

“Kadrlarni davlat grantlari asosida maqsadli tayyorlash tartibi to’g’risida Nizom”ga muvofiq, agar bitiruvchi oliy ta’lim muassasalarining bakalavriati va magistraturasida davlat grantlari asosida o’qigan taqdirda, uning ishlab berish majburiyati kamida uch yil deb hisoblanadi.

Javob:

O’zbekiston Respublikasi Prezidentining «O’zbekiston Respublikasi Qurolli Kuchlari safida muddatli harbiy xizmatni o’tab bo’lgan fuqarolarga imtiyozlar tizimini takomillashtirishga oid qo’shimcha chora-tadbirlar to’g’risida» 2012 yil 31 maydagi PQ-1765-son (https://lex.uz) qaroriga asosan muddatli harbiy xizmatni o’tab bo’lgan, harbiy qismlar qo’mondonligining tavsiyanomalariga ega bo’lgan barcha fuqarolarga respublikaning barcha oliy ta’lim muassasalari bakalavriat ta’lim yo’nalishlariga kirishda to’plash mumkin bo’lgan eng ko’p ballning 27 foizi miqdorida qo’shimcha ball shaklidagi imtiyoz beriladi.

Javob:

Kasb-hunar maktablari kollej va texnikum o‘quvchilari quyidagi huquqlarga ega:

- professional ta’lim muassasasi faoliyatiga doir masalalarni muhokama va hal etishda bevosita yoki bilvosita (fuqarolarning o‘zini o‘zi boshqarish organlari va nodavlat notijorat tashkilotlari orqali) ishtirok etish;

- belgilangan tartibda professional ta’lim muassasalari ma’muriyatining buyruqlari ustidan shikoyat qilish;

- kasbiy kompetentsiyalar va umumta’lim fanlarini o‘zlashtirishni rivojlantirishga qaratilgan turli ko‘rik-tanlovlarda belgilangan tartibda ishtirok etish; (kasb-hunar maktablari o‘quvchilariga tegishli)

- ta’lim dasturlari bo‘yicha ta’limni davom ettirishini to‘xtatish bo‘yicha professional ta’lim muassasasi rahbariyatiga murojaat qilish;(kollej va texnikum o‘quvchilariga tegishli)

- axborot kutubxonalardan, professional ta’lim muassasasining o‘quv, ijtimoiy, davolash va boshqa bo‘linmalari xizmatlaridan ta’lim muassasasi ustavida belgilangan tartibda bepul foydalanish;

- kasbiy kompetentsiyalarni rivojlantirishga qaratilgan turli ko‘rik-tanlovlarda belgilangan tartibda ishtirok etish; (kollej va texnikum o‘quvchilariga tegishli)

- ish beruvchilar tomonidan tavsiya qilingan ish joylarida ishlash bo‘yicha murojaat qilish; (kollej va texnikum o‘quvchilariga tegishli)

- oliy ta’lim muassasasining tegishli yo‘nalishlarida ta’limni davom ettirish maqsadida suhbatlarda qatnashish. (texnikum o‘quvchilariga tegishli)

- O‘quvchilar boshlang‘ich, o‘rta va o‘rta maxsus professional ta’lim dasturida, professional ta’lim muassasasining ustavida, shuningdek, boshqa qonun hujjatlarida belgilangan huquqlardan foydalanishi mumkin.

Javob:

O‘zbekiston Respublikasi Vazirlar Mahkamasining 2020-yil 19-noyabrdagi “Boshlang‘ich, o‘rta va o‘rta maxsus professional ta’lim to‘g‘risidagi hujjatlarning davlat namunasini tasdiqlash haqida”gi

734-son qaroriga asosan:

Kasb-hunar maktabi bitiruvchilariga:

Xalqaro tasniflagichning 3-darajasiga mos keluvchi Boshlang‘ich professional ta’lim to‘g‘risidagi davlat namunasidagi BOSHLANG‘ICH PROFESSIONAL TA’LIM DIPLOMI beriladi va u oliy ta’lim muassasasiga o‘qishga kirish hamda olingan bilimlarni mehnat faoliyatida ro‘yobga chiqarish huquqini beradi.

Kollej bitiruvchilariga:

Xalqaro tasniflagichning 4-darajasiga mos keluvchi O‘rta professional ta’lim to‘g‘risidagi davlat namunasidagi O‘RTA PROFESSIONAL TA’LIM DIPLOMI beriladi va mehnat faoliyatida ro‘yobga chiqarish huquqini beradi.

Texnikum bitiruvchilariga:

Xalqaro tasniflagichning 5-darajasiga mos keluvchi O‘rta maxsus professional ta’lim to‘g‘risidagi davlat namunasidagi O‘RTA MAXSUS PROFESSIONAL TA’LIM DIPLOMI beriladi va o‘qishni muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suhbat orqali oliy ta’lim muassasalarida 2-kursdan o‘qishini davom ettirish hamda olingan bilimlarni mehnat faoliyatida ro‘yobga chiqarish huquqiga ega bo‘ladi.

Javob:

Kasb-hunar maktablarida kadrlar tayyorlash umumta’lim muassasalarining 9-sinf bitiruvchilari hisobidan shakllantirilgan guruhlarda 2 yillik umumta’lim va mutaxassislik fanlarining integratsiyalashgan dasturlari asosida kunduzgi ta’lim shaklida amalga oshiriladi;

Kollejlarda kadrlar tayyorlash Xalqaro tasniflagichning kamida 3-darajasiga mos ta’lim dasturlarini tamomlagan, «Hayot davomida ta’lim olish» printsipi asosida kamida umumiy o‘rta ma’lumotga ega bo‘lgan shaxslar hisobidan kasblar va mutaxassisliklarning murakkabligidan kelib chiqqan holda 2 yilgacha muddatda kunduzgi, kechki va sirtqi ta’lim shakllarida davlat buyurtmasi hamda to‘lov-kontrakt asosida amalga oshiriladi;

Texnikumlarda kadrlar tayyorlash Xalqaro tasniflagichning kamida 3 yoki 4-darajasiga mos ta’lim dasturlarini tamomlagan, «Hayot davomida ta’lim olish» printsipi asosida kamida umumiy o‘rta ma’lumotga ega bo‘lgan shaxslar hisobidan shakllantirilgan guruhlarda kasblar va mutaxassisliklarning murakkabligidan kelib chiqqan holda 2 yildan kam bo‘lmagan muddatda kunduzgi, kechki va sirtqi ta’lim shakllarida davlat buyurtmasi hamda to‘lov-kontrakt asosida amalga oshiriladi;

Javob:

Kasb-hunar maktablarida Boshlang‘ich professional ta’lim dasturlarini muvaffaqiyatli tamomlagan va davlat namunasidagi diplom olgan bitiruvchilar mazkur diplom asosida oliy ta’lim muassasalarida ta’limni davom ettirish uchun hujjat topshirishlari mumkin. Texnikumlarda o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suxbat orqali oliy ta’lim muassasalarida 2-kursdan o‘qishni davom ettirish xuquqiga ega bo‘ladi.

Javob:

Professional ta’lim muassasalarida ishchi kasblar va o‘rta bo‘g‘in mutaxassisliklari bo‘yicha kadrlar tayyorlanadi.

Javob:

Professional ta’lim muassasasi ustavida belgilangan tartibda ta’lim-tarbiya jarayoni davomida o‘quv, ijtimoiy, davolash va boshqa bo‘linmalari xizmatlaridan o‘quv-texnika jihozlari va vositalaridan, fan kabinetlari axborot-kutubxonasi fondidan, axborot-kutubxona o‘quv zali va boshqa o‘quv, yordamchi xonalardan, sport majmualari, professional ta’lim muassasasiga qarashli tibbiy va texnik jihozlardan bepul foydalanish; 

Javob:

Texnikum va kollejlarda kunduzgi, sirtqi, kechki va dual  ta'lim shakli bo‘yicha ta’lim olish imkoniyati mavjud. Har yili O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi tomonida professional ta’lim muassasalariga ta'limning kunduzgi, sirtqi, kechki va dual shakli bo‘yicha o‘qishga qabul qilishning davlat buyurtmasi parametrlarini tasdiqlaydi. Ta'lim muassasalari ro‘yxati (kasb va mutaxassisliklar hamda ta’lim shakli bo‘yicha) o‘quv yili uchun abituriyentlarning hujjatlarini qabul qilish jarayoni boshlaguniga qadar e'lon qilinadi. 

Javob:

Kasb-hunar maktabi — Xalqaro tasniflagichning 3-darajasiga mos keluvchi ta’lim dasturlari asosida 9-sinf bitiruvchilarini ijtimoiy qo‘llab-quvvatlashga qaratilgan boshlang‘ich professional ta’lim bosqichida kadrlar tayyorlaydigan ta’lim muassasalari; 

Kollej — Xalqaro tasniflagichning 4-darajasigacha mos keluvchi ta’lim dasturlari asosida kadrlar tayyorlaydigan vazirliklar va idoralar tizimida faoliyat ko‘rsatadigan ta’lim muassasalari;

Texnikum — Xalqaro tasniflagichning 5-darajasigacha mos keluvchi va oliy ta’lim tizimi bilan integratsiyalashgan ta’lim dasturlari asosida kadrlar tayyorlaydigan hamda oliy ta’lim muassasalari huzurida faoliyat yuritadigan ta’lim muassasalari; 

Javob:

Professional ta’lim muassasalariga qabul barcha uchun (ham davlat granti, ham to‘lov-kontrakt bo‘yicha) teng huquqlilik, yagona qabul qoidalari va yagona tanlov asosida amalga oshirilib, kirish imtihonlarida (test sinovlari, kasbiy (ijodiy) imtihon, yozma imtihon) eng yuqori ball to‘plagan abituriyentlarning davlat grantlari bo‘yicha birinchi navbatda qabul qilinish huquqi ta’minlanadi. Qolgan abituriyentlar ballar reytingi asosida belgilangan to‘lov-kontrakt parametrlari doirasida qabul qilinish huquqiga egadirlar. To‘lov-kontrakt asosida o‘qishga qabul qilingan yetim bolalar va ota-ona qaramog‘idan mahrum bo‘lgan o‘quvchilar hamda ijtimoiy himoyaga muhtoj oila farzandlari qabul parametrlaridan tashqari qo‘shimcha davlat granti asosida o‘qishga qabul qilinadi.

Javob:

Ijtimoiy himoyaga muhtoj bolalar — yuzaga kelgan holatlar sababli og‘ir turmush sharoitida qolgan, davlat va jamiyat tomonidan alohida himoya qilishga hamda qo‘llab-quvvatlashga muhtoj bolalar, shu jumladan:

nogiron bolalar;

jismoniy va (yoki) ruhiy rivojlanishida nuqsonlari bo‘lgan bolalar;

yetim bolalar;

ota-ona qaramog‘idan mahrum bo‘lgan bolalar;

ixtisoslashtirilgan bolalar muassasalarida tarbiyalanayotgan bolalar;

muayyan yashash joyiga ega bo‘lmagan bolalar;

kam ta’minlangan oilalardagi bolalar;

jinoiy javobgarlikka tortilgan va jazoni ijro etish muassasalarida turgan bolalar;

zo‘ravonlik va ekspluatatsiya, qurolli mojarolar va tabiiy ofatlar natijasida jabrlangan bolalar;

Javob:

Quyidagi hollarda abituriyent test sinovlari jarayonidan chetlashtiriladi va natijalari chiqarilmasligiga asos bo‘ladi: test sinovlari o‘tkaziladigan hududga yoki binoga kirishda mikrokalkulyator, lug‘at, jadval, kitob, uyali telefon, kompyuter, telekommunikatsiya qurilmalari va boshqa vositalar, shpargalkalar olib kirishga harakat qilsa, olib kirgan bo‘lsa yoki ulardan test sinovlari davomida foydalansa; test materiallarini boshqa abituriyentga uzatsa yoki ularga yordam bersa; test sinovlari jarayonida bir-biri bilan gaplashsa; test materiallarini binodan tashqariga olib chiqsa, test topshiriqlari kitobi varag‘ini yirtsa; test sinovlari uchun ajratilgan vaqt tugagandan so‘ng test materiallarini topshirishdan bosh tortsa. Test sinovlari jarayonida videokuzatuvlar orqali abituriyentning tartib va qoidalarga amal qilmaganligi aniqlansa. 

Javob:

Test sinovlari natijasidan norozi bo‘lgan abituriyent yoki uning ota-onasi yoxud ularning o‘rnini bosuvchilar (vasiylar) test sinovlari to‘liq yakunlanib, tanlov natijasi e’lon qilingandan so‘ng ikki kun davomida professional ta’lim muassasasida tashkil etilgan apellatsiya komissiyasiga ushbu Tartibga ilovada keltirilgan shaklga muvofiq yozma yoki elektron shaklda apellatsiya shikoyatini berish huquqiga ega. Apellatsiya shikoyati qabul qilinganligi to‘g‘risida abituriyentga xabarnoma beriladi.

Javob:

Katta yoshdagi fuqarolarimiz 2020/2021 o‘quv yilidan boshlab kollejlarda «Hayot davomida ta’lim olish» prinsipi asosida kamida umumiy o‘rta ma’lumotga ega bo‘lgan shaxslar hisobidan kasblar va mutaxassisliklarning murakkabligidan kelib chiqqan holda 2 yilgacha (texnikumlarda 2 yildan kam bo‘lmagan) muddatda kechki va sirtqi ta’lim shakllarida to‘lov-kontrakt asosida ta’lim olish imkoniyatiga ega.